هذه الصفحة مخصصة للمسجلين في كورس First Click. اكتب كلمة السر لمشاهدة المحاضرة والتطبيق.
تنبيه: هذه حماية بسيطة مناسبة للكورس المجاني.
ليه العميل يشتري منك أنت ويسيب غيرك؟ في المحاضرة دي هنطلع بحاجتين: السطر اللي يوقّف العميل وهو بيعمل سكرول، والبروفايل اللي يشتغل كفاترينة محل مش ألبوم صور.
الفيديو بيشرح الفرق بين الكلام الحلو عن نفسك وبين الميزة البيعية الحقيقية، وإزاي تجهّز البروفايل في أول 3–5 ثواني بيقرر فيهم العميل يكمّل ولا يمشي.
بعد مشاهدة الفيديو: انزل للأداة في آخر الصفحة واكتب جملتك المميزة بالمعادلة، وبعدها راجع البروفايل بالقائمة.
«خامتي قطن 100%»، «أسعارنا مالهاش مثيل»، «بنهتم بالعميل وبنرد بسرعة»… المنافس اللي فاتح الصفحة اللي جنبك بيقول نفس الكلام بالحرف. وأي جملة ينفع حد تاني يشيل اسمك منها ويحط اسمه، مش ميزة.
العميل مش جاي يقولك إنك حلو وبتتعب. قدامه آلاف الرسائل والخدمات كل يوم، واللي يعجبه بيقف عنده واللي ما يعجبوش بيعدّيه. والكلام الحلو عن نفسك مش بيبيع؛ اللي بيبيع هو شغلك ونتايجك.
العميل فاتح 5 صفحات، كل صفحة في تاب، وكلهم بيبيعوا نفس الحاجة. إيه اللي يخليه يقفل كل التابات ويقف عند صفحتك أنت؟ السؤال ده محدش يقدر يجاوبه غيرك.
«براند ملابس نسائية راقية بأسعار تنافسية وخامات تركية».
«مقاسات مريحة للست المصرية علشان تنزل شغلها أنيقة ومبسوطة… ومن غير خناقة الزرار اللي بيتقطع».
عميل متحدد بالملّي: ستات، رجالة، طالبات جامعة، موظفات… السن، الاحتياج، الاستخدام.
مكسب واضح وملموس: لبس مريح ما بيعرّقش، وقت أقل، مبيعات حقيقية، أمان إنه ما يقعش في نفس الفخ اللي اتلسع منه قبل كده.
العقدة الأكبر اللي عنده: زراير بتتقطع، ملاية بتبهت بعد أول غسلة، دايت طعمها كرتون، ميزانية إعلانات بتتحرق على لايكات.
«معاينة قبل الاستلام واسترجاع مجاني في ساعتها والمندوب موجود» — ميزة ملموسة بتقلل المخاطرة وبترفع القلق عن العميل.
أنا بساعد _____ يوصل لـ _____ من غير _____
مكررة: ملايات قطن ومفارش سرير تركي.
مميزة: مفارش ألوانها ثابتة وما بتوبّرش… مش هتلاقي الملاية بتلف على السرير بعد شهر غسيل.
مكررة: وجبات صحية متوازنة محسوبة السعرات.
مميزة: وجبات دايت متفصّلة على يومك، طعمها مش كرتون، وفيها حلويات علشان ما تصحاش 2 بالليل من الحرمان.
مكررة: خدمات تسويق إلكتروني وإدارة حملات إعلانية احترافية.
مميزة: بنساعد أصحاب الشركات يقفلوا مبيعات حقيقية من غير ما يحرقوا ميزانيتهم على لايكات من حسابات وهمية.
الحذاء اللي بيتلبس من غير رباط حلّ مشكلة اللي عايز يلبس بسرعة ويمشي مرتاح… الميزة هنا هي الراحة والسرعة، مش «جودة عالية».
البروفايل مش مخزن كراكيب ولا ألبوم صور عائلي. أي عنصر من الأربعة دول مش معمول صح، كأنك قافل نور المحل.
براند شخصي: صورة واضحة ومبتسمة لبني آدم حقيقي، مش وردة ولا بحر. براند تجاري: لوجو واضح واسم مقروء، وما تغيروش كل يوم.
جملتك المميزة + توجيه صريح للطلب: اطلب من هنا، حمّل الدليل مجانًا، اسأل على الواتساب. قصة حياتك مش هي الأساس.
الأسعار أو المنيو، المقاسات وطريقة القياس، ريفيوهات حقيقية، والضمان والاستبدال والاسترجاع.
لينك مباشر شغال يودّي للواتساب أو المتجر أو الماسنجر. أكبر كارثة إنك تصرف على إعلانات والعميل مش لاقي قناة يكلمك منها.
املأ الخانات التلاتة من واقع عميلك الحقيقي، والأداة هتركّب لك الجملة. بعدها راجع البروفايل بالقائمة.